Zëvendëskryeministrja
Rexhepi takon kryediplomaten malazeze, në fokus bashkëpunimi ndërkufitar
Zëvendëskryeministrja e Kosovës, Emilja Rexhepi, ka zhvilluar takim me ministren e Punëve të Jashtme të Malit të Zi, Maida Gorçeviq.
Përmirësimi i bashkëpunimit në mes të Prishtinës dhe Podgoricës ka qenë në fokus të bisedës me tyre, por jo edhe tema e vetme.
“Parasegjithash folëm për bashkëpunimin ndërkufitar, shfrytëzimin e fondeve të IPA, sundimin e ligjit dhe forcimin e lidhjeve tona ekonomike”, ka shkruar Gorçeviq.
Ajo më tej ka shkruar edhe për anëtarësimin e vendit të saj në Bashkimin Evropian, që thotë se do të ishte përparësi për vendet tjera të Ballkanit Perëndimor.
“Anëtarësimi i Malit të Zi në BE do të jetë në interes ë të gjitha vendeve të rajoni sepse Mali I Zi do të avokojë dhe përfaqësojë zgjerimin e mëtejshëm sipas principit të regatës dhe do të japë mbështetje për fqinjët në përmbushjen e detyrave në procesin negociues”, ka përfunduar ajo.
VIDEO BONUS: Adresimi i plotë, i përkthyer në shqip, i Albin Kurtit në mbledhjen mbrëmshme të KS së OKB-së
