Reperja i dhuron së bijës 50 mijë dollarë për ditëlindje, 4 vjeçarja tregon topin me para
Pas çantës Birkin që i dhuruan në ditëlindjen e saj të 2-të, Cardi B dhe partneri i saj, Offset bënë një tjetër lëvizje bujare për të bijën e tyre. Vogëlushja, Kulture mori 50,000 dollarë nga prindërit e famshëm për të festuar ditëlindjen e saj të katërt.
Çifti festoi ditëlindjen në ekspozitën Candytopia në Atlanta, së bashku me djalin e tyre më të vogël Wave, i cili është dhjetë muajsh. Në një video të publikuar nga reperja në llogarinë personale në Instagram, vajza i kërkon babait të saj t’i blejë karamele pambuku.
Më pas, Kulture shfaqet duke mbajtur një top me para. Reperja më pas e pyet atë se çfarë mban në duar, ndërsa 4 vjeçarja përgjigjet “një biletë”, një fjalë e përdorur në zhargonin amerikan për “një milion dollarë”. “Janë 50 mijë. Thuaj 50”, dëgjohet më pas në video.
Sigurisht, kjo nuk është dhurata e vetme ekstravagante që ata i kanë bërë vajzës së tyre. Në ditëlindjen e saj të dytë, prindërit i dhanë një çantë Birkin rozë.
