Ministria e Shëndetësisë ka njoftuar se sot janë konfirmuar 15 raste të reja të personave të infektuar me koronavirus, duke e çuar në 678 numrin e përgjithshëm.

Shefja e epidemiologjisë Eugena Tomini, deklaroi se gjatë 24 orëve të fundit janë testuar 259 persona të dyshuar me Covid dhe 15 prej tyre kanë rezultuar pozitiv.

“Gjatë 24 orëve të fundit janë testuar 259 persona të dyshuar me COVID-19. Nga totali i rasteve të dyshuara janë testuar 36 personel shëndetësor, të cilët kanë rezultuar negativë për Sars-Cov2. Nga rezultatet e testimeve janë konfirmuar 15 raste pozitive me COVID19. Nga totali i rasteve të reja 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin. ” – njoftoi Dr. Eugena Tomini.

Nga totali i rasteve të reja 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin.

Deri në këto momente janë testuar 6768 raste të dyshuara dhe prej tyre janë të konfirmuar pozitivë me COVID-19, 678 raste, pra rreth 10% e totalit të rasteve të testuara.

Aktualisht në Shqipëri 257 ose 41.9% e totalit të të prekurve janë persona aktivë me COVID-19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme.

Në shërbimin infektiv aktualisht janë 30 të shtruar nga të cilët 4 pacientë janë në terapi intensive.

Shpërndarja gjeografike e rasteve pozitive, është si vijon:

– Tiranë            285 raste

– Durrës            42 raste

– Lushnje          6 raste

– Elbasan          18 raste

– Fier                 36 raste

– Kavajë            9 raste

– Rrogozhinë     4 raste

– Korçë             19 raste

– Vlorë              5 raste

– Shkodër          103 raste

– Lezhë             14 raste

– Berat              2 raste

– Has                14 raste

– Krujë              65 raste

-Tropojë           4 raste

– Pukë               5 raste

– Mirditë           5 raste

– Kukës           12 rast

-Mallakastër     1 raste

– Kurbin            29 raste