Real Madrid jepet detajet për lëndimin e Eden Hazard

Real Madrid mund të marrë frymë lirshëm pasi që sipas raportit mjekësor të publikuar nga klubi të mërkurën, Eden Hazard ka pësuar vetëm një mavijosje të jashtme në këmbën e djathtë.

Ai sipas mjekëve do të mungojë rreth 10 ditë, por do të jetë gati për El Clasico.

Kjo do të thotë se Hazard do të humbasë dy ndeshjet e radhës në kampionatin spanjoll kundër Alavés dhe Espanyol, dhe ndeshjen e fundit të Ligës së Kampionëve me Club Brugge.

Ai do të jetë i gatshëm për ndeshjet kundër Valencias (15 dhjetor) dhe Barcelonës (18 dhjetor) .

Belgu e la fushën e lojës në minutën e 68-të kundër PSG-së pasi pësoi një goditje të fortë nga Thomas Meunier.