Reagon Vetëvendosje: Vëzhguesi i LDK-së theu rregullat e procesit zgjedhor

Një vëzhgues i Lidhjes Demokratike të Kosovës në shkollën “Sami Frashëri” në Podujevë, është parë duke mbajtur maskën me numër të kandidatit për kryetar të kësaj komune, Nexhmi Rudari.

Një veprim të tillë e kanë kritikuar subjektet tjera politike në vend.

Pas reagimit të PDK-së, ka reaguar edhe Lëvizja Vetëvendosje në Podujevë.

LVV thotë se po thyhen rregullat e procesit zgjedhor dhe se nga mëngjesi janë evidentuar një sërë parregullësish të tilla.

Vëzhguesi në Podujevë mban maskën me numër të kandidatit të LDK’së

Ata akuzojnë LDK se po tejkalon të drejtat e përcaktuara nga KQZ, vetëm që të dalë më mirë në zgjedhje.

Ky është postimi i tyre i plotë pa ndërhyrje:

Vëzhguesi i LDK-së then rregullat esenciale të procesit zgjedhor

Në shkollën Naim Frashëri të Podujevës, një vëzhgues nga radhët e LDK-së është parë duke mbajtë maskën me numër të kandidatit për kryetar të kësaj komune, Nexhmi Rudari.

Një sërë parregullësish të tilla janë evidentuar që në orët e para të mëngjesit, prej se ka filluar procesi zgjedhor.Sipas qytetarëve LDK po tejkalon të drejtat e përcaktuara me rregulloren e KQZ-së në mënyrë që të dal sa më mirë në rezultatin e këtyre zgjedhjeve.LDK le t’i ndaloj urgjentisht veprimet e tilla!