Reagon Thaçi: Rusia dhe Siria t’i ndalin menjëherë sulmet ndaj ushtarëve turq
Presidenti i Kosovës, Hashim Thaçi, ka denoncuar sulmet ndaj forcave ushtarake të Turqisë, brenda territorit të Sirisë.
Thaçi ka thënë se “Kosova rreshtohet me aleatët e saj të NATO’s në dënimin e sulmeve ajrore ndaj ushtarëve turq pranë Idlibit, nga regjimi sirian dhe nga Rusia”.
“Ne i bëjmë thirrje Sirisë dhe Rusisë që t’i ndalin menjëherë sulmet, dhe të lejojnë qasjen humanitare në zonë”, është shprehur Thaçi, në rrjetin social Twitter.
Për mesazhin e tij, Thaçi e ka njoftuar edhe sekretarin e përgjithshëm të NATO’s, Jens Stoltenberg.
#Kosovo aligns with our @NATO allies in condemning the air strikes on Turkish soldiers near Idlib by the Syrian regime and Russia. We call Syria and Russia to immediately stop the attacks and allow humanitarian access in the area. CC: @jensstoltenberg
— Hashim Thaçi (@HashimThaciRKS) February 28, 2020
