Nënkryetarja e PDK-së, Vlora Çitaku ka reaguar pasi që Qeveria e Kosovës ka ndarë investimet kapitale për vitin 2024.
Në tabelën e publikuar, Qeveria e drejtuar nga Albin Kurti ka vendosur që Ferizaj dhe Skenderaj mos të përfitojnë asnjë cent nga investimet kapitale, derisa katët komunat e drejtuar nga VV-ja do të përfitojnë rreth 60 për qind të të gjitha investimeve, transmeton Ballkani.info.
Postimi i plotë i Çitakut:
Paramendoni, Ferizaj që paguan afër 20% të tatimeve në krejt Kosovën, e që krijon dhjetëra mijëra vende pune dënohet nga Qeveria qendrore me zero investime të reja kapitale.
Skenderaj i lirisë së Kosovës, i Adem Jasharit dhe UÇK-së dënohet me zero investime poashtu. Njësoj edhe me një mori komunash tjera. A janë vallë fëmijët e qyteteve opozitare me pak të vlefshëm?
A janë drenicasit dhe ferizajasit e qindra mijëra qytetarë tjerë më pak të rëndësishëm se ata të katër komunave të VV-së ku po shkojnë 60% e projekteve të reja kapitale? Pse po e ndani këtë popull, ose pse po vazhdoni ta ndani tash e sa vite.
Boll ma me përçarje! Shkoni. Sa ma shpejt shkoni se s’jeni për asgjë!








