Rasti “Ciprra”/ Reagon Spitali “Fati Im”: Nuk e kemi kryer abortin e 17 vjeçares
Të premtën në një aksion të Policisë së Kosovës, në Podujevë, u arrestua i shumë kërkuari, Besim Hajdari “Ciprra”.
Gjatë arrestimit, “Ciprra” u kap në dhomë me një vajzë të mitur të moshës 17 vjeçare. Ajo në deklaratën që kishte bërë në Polici kishte thënë se “Ciprra” po e mbante me dhunë dhe se e kishte detyruar të abortonte, shkruan Indeksonline.
Në media u raportua që 17 vjeçarja abortin e kreu në spitalin “Fati Im”. Por nuk po del të jetë ashtu.
“Fati Im” ka mohuar se ka kryer abortin e 17 vjeçares. Më poshtë keni reagimin e plotë të spitalit.
Reagim:
Spitali “FATI IM” ka pranuar me shqetësim dezinformatën e publikuar në disa media ku thuhet se një 17 vjeçare me inicialet A.T dyshohet se ka kryer abort në spitalin “Fati Im”.
Spitali “Fati Im” punon duke u bazuar në ligjet që janë në fuqi, rrjedhimisht ne baze te Ligjit per nderprerje te shtazanise NR. 03/L-110.
Prandaj, asnjëherë në spitalin tonë nuk kryhen nderprerje te shtatzenise që bien ndesh me ligjin.
Kjo e pavërtetë nuk qëndron sipas shënimeve zyrtare të Spitalit “Fati Im” meqenëse asnjë person nën moshën 18 vjeçare nuk ka kryer nderprerje te shtazanise në këtë spital.
Spitali “Fati Im” fillimisht i është drejtuar portalit që e ka publikuar këtë informatë të gabuar.
Pas kontaktit me portalin, i njejti ka reflektuar profesionalisht dhe e ka larguar etiketimin e spitalit “Fati Im” nga artikulli i tyre.
Për korrektësi dhe për ti shërbyer të vërtetës ne i ftojmë organet e hetuesisë që të hetojnë rastin dhe njëherit i njoftojmë të gjitha mediat që në çdo kohë jemi të hapur për çdo informatë qe shpije tek infirmimi i drejtë i opinionit publik.
Spitali “Fati Im” siguron gjithë pacientët dhe bashkepunëtorët e tij se në asnjë rast dhe në asnjë rrethanë nuk kryen procedura të mjekimit që bien ndesh me ligjin.
Spitali “Fati Im” tash e 30’vite mbetet i perkushtuar që të gjithë pacientëve tu ofrojë shërbime korrekte dhe sipas standardeve më të larta profesionale.
