Rama publikon pamje nga transferimi i Piramidës në Tiranë

Kryeministri i Shqipërisë, Edi Rama këtë të enjte ka publikuar pamje nga transformimi i Piramidës në Tiranë.

Rama derisa ka publikuar video nga punët që po bëhen aty ka shkruar se po vijon puna në qendrën më të madhe të teknologjisë digjitale në rajon.

Ai tutje ka thënë edhe se piramida do të jetë adresa e fëmijëve dhe të rinjve të shekullit XXI.

“Vijon puna për qendrën më të madhe të teknologjisë digjitale në rajon, e cila do ta bëjë piramidën adresën e fëmijëve dhe të rinjve të shekullit XXI. Një projekt transformimi arkitektonik i studios së famshme holandeze MVRDV”, ka shkruar Rama në “Facebook”.