Rama: Nuk bëj testin e coronavirusit, nuk ndjej shqetësime

Kryeministri i Shqipërisë, Edi Rama, ka thënë se nuk bëhen testet e coronavirusit për qejf, siç e quan ai, nëse nuk ka shqetësime.

Rama deklaroi sot se dhe ai vetë nuk do ta bëjë testin, pasi nuk ndjen ndonjë simptomë.

”Teste për qejf nuk bëhen, nëse ke shqetësim, po. Është një grip i pazakonshëm, pasi nuk i njohim vaksinën, por shpërndahet si çdo grip tjetër. Unë nuk kam nevojë të shkoj të bëj testin, pse do ta bëj kur nuk ndjen asgjë. Por probabiliteti që unë të bëhem transportues rritet nëse jam i pakujdesshëm, nëse nuk ruaj të tjerët”, u shpreh Rama shkruan lapsi.

Sot Rama njoftoi masa të tjera të ashpra për të parandaluar përhapjen e coronavirusit, si ndalimi i lëvizjes me automjete në disa qytete të vendit.