Rakiq kërkon nga Prokuroria t’i lirojë të arrestuarit në Zubin Potok
Kryetari i Listës Serbe, Goran Rakiq, i ka bërë thirrje Prokurorisë Speciale të Kosovës që t’i lirojë qytetarët të cilët dje janë arrestuar nga Policia e Kosovës në Zubin Potok.
“I kuptoj që i kapën zyrtarët policorë të akuzuar për diçka, që nuk është hera e parë, por qytetarët e Zubin Potokut të cilët u arrestuan nuk kanë faj për asgjë, përveç që kanë qëlluar duke qëndruar para forcave të armatosura deri në dhëmbë”, ka thënë Rakiq.
