Ra nga teleferiku, mjeku kujdestar flet për gjendjen e 30-vjeçarit në Ferizaj
Personi i cili ka rënë sot aksidentalisht nga teleferiku në Brezovicë ka shpëtuar pa lëndime serioze, ai ka marrë vetëm disa gërvishtje të vogla në kokë dhe gjoks nga rënia e papritur.
Këtë e ka bërë të ditur mjeku kujdestar në Spitalin e Ferizajt, Avdi Tahiri.
“Është liruar për në shtëpi që dy orë, gjendja e tij ka qenë e mirë, nuk ka pasur ndonjë frakturë por vetëm disa gërvishtje të vogla në kokë dhe gjoks”, ka thënë Tahiri.
Mjeku Tahiri, gjithashtu tha se i ka dhënë atij disa rekomandime, se në qoftë se ndihet keq të bëjë sërish kontroll në qendra të mjekësisë familjare.
Ndryshe, shkaqet që kanë çuar tek rënia e 30-vjeçarit ende nuk dihen./Ballkani.info/
