Qeveria shqyrton ndarjen e mjeteve financiare për familjen e 11 vjeçarit që u përdhunua dhe u vra në Fushë Kosovë
Në mbledhjen e sotme të Qeverisë së Kosovës, pritet të shqyrtohet propozim-vendimi për ndarjen e mjeteve financiare për familjen e 11 vjeçarit, Kujtim Veseli nga Fushë Kosova, i cili u përdhunua dhe u vra nga i akuzuari S.O.
I ndjeri, që i përkiste komunitetit ashkali, u gjet i vdekur më 11 korrik 2019 poshtë shkallëve të një objekti banimi në lagjen “Xhemajl Mustafa” në Fushë Kosovë.
S.O. më pas ishte dënuar me 25 vjet burgim për veprën penale dhunim dhe vrasje.
Kjo ngjarje ngjalli protesta dhe reagime të shumta në komunitet, duke kërkuar drejtësi për të ndjerin dhe dorëheqjen e përgjegjësve të organeve të rendit.
