msh

‘Qesharake’: Ministri Zemaj fton qytetarët të ruajnë distancë, por mbrapa tij janë 12 persona në konferencë

Ministri Shëndetësisë, Armend Zemaj ka mbajtur sot një konferencë para gazetarëve me kryeministrin Avdullah Hoti dhe me dhjetëra persona të tjerë.

Ministri Zemaj ka ftuar qytetarët, mediat e institucionet që të respektojnë masat ndaj Covid-19, por thirrjet e tij kanë qenë duke thyer vet rregullat dhe Ligjin NR. 07/L-006 për Parandalimin dhe Luftimin e Pandemisë COVID-19.

Zemaj ka ftuar qytetarët të ruajnë distancën, por në konferencë për shtyp mbrapa tij kanë qenë më shumë se 12 persona, kjo bën që aty nuk është ruajtur distanca e parashikuar me ligj.

“Zbatoni masat ta ruajmë shëndetin dhe ta luftojmë pandeminë, distancën, higjienën dhe maskën, të tjerat janë obligim i të gjithëve i qytetarëve, i mediave, i institucioneve qendrore dhe lokale”, tha Zemaj

Kujtojmë se në Ligjin NR. 07/L-006 për Parandalimin dhe Luftimin e Pandemisë COVID-19, Kapitulli 5, tek Masat Ndëshkimore ndaj qytetarëve dhe bizneseve thuhet se mos respektimi i mbajtjes së distancës dënohet me gjobë prej 35 euro deri në 500 euro.

“Personi juridik i cili nuk e zbaton vendimin e Organit Kompetent për krijimin e kushteve dhe mbajtjen e distancës së përcaktuar në hapësirat në të cilat janë përgjegjës dënohen me gjobë prej pesëqind (500) euro, ndërsa personi përgjegjës i personit juridik dënohet me gjobë prej dyqind (200) euro.

Personi fizik i cili nuk respekton vendimin e Organit Kompetent për mbajtjen e distancës fizike, dënohet me gjobë prej tridhjetepesë (35) euro.”