Qesharake: Feraj i VV-së shpreson që Escobari, Hilli e Hovenier do ta mbështesin Joe Biden për dialogun Kosovë-Serbi
Anëtari i Vetëvendosjes, Hysamedin Feraj, ka folur për garat që po bëhen për vendosjen e agjendës së dialogut Kosovë-Serbi.
Ai ka treguar se sipas “presidentit amerikan, Biden, programi i dialogut duhet të ketë në qendër njohjen reciproke”, ndërsa sipas “presidentit serb, Vuçiq, programi i dialogut duhet të ketë në qendër krijimin e asocacionit”.
Feraj ka shprehur dyshime duke thënë se “shpresoj që presidenti Biden të mbështetet po ashtu nga administrata e tij, edhe nga i dërguari i DASH, Gabriel Escobar, si dhe ambasadorët Christopher R. Hill dhe Jeffrey Havonier”.
Shkrimi i plotë i tij:
Gara për vendosjen e agjendës së dialogut Kosovë-Serbi:
■ Sipas presidentit amerikan, Biden, programi i dialogut duhet të ketë në qendër njohjen reciproke;
■ Sipas presidentit serb, Vuçiq, programi i dialogut duhet të ketë në qendër krijimin e asocacionit.
Vendosja e agjendës (“agenda setting”) është burim dhe tregues pushteti.
Kosova mbështetet dhe mbështet “pushtetin Biden” në vendosjen e agjendës së bisedimeve.
Shpresoj që presidenti Biden të mbështetet po ashtu nga administrata e tij, edhe nga i dërguari i DASH, Gabriel Escobar, si dhe ambasadorët Christopher R. Hill dhe Jeffrey Havonier.
Filloi viti i ri.