Publikohet bilanci i rasteve të reja me koronavirus në Shqipëri
Numri i të infektuarve me koronavirus në Shqipëri është rritur për 21 raste në 24 orët e fundit, ndërsa gjashtë prej tyre janë personel shëndetësor, ka njoftuar Ministria e Shëndetësisë.
Numri total i të infektuarve ka arritur shifrën në 1164. Po ashtu janë shëruar 14 persona në 24 orët e fundit, duke çuar numrin total në 891.
Është njoftuar se në Klinikën Infektive ka vdekur edhe një 62-vjeçar, që ishte me COVID-19, por pa simptome. Është raportuar se shkaku i vdekjes nuk ka qenë koronavirusi, por ciroza hepatike e stadit të fundit.
