Profesori i njohur tregon se ku e mori Vjosa Osmani sloganin ‘GUXO’

Profesori universitar, Milazim Krasniqi, ka thënë se fushata zgjedhore është duke bërë si orë letrare, teksa ka sqaruar se ku po i marrin sloganet partitë politike në vend.

Sipas Krasniqit, Vetëvendosja do të vazhdojë me figurën politike të rëndësishme shqiptare, Mihal Grameno-n, me veprën poetike të tij ‘Ardhi dita’, ndërsa u.d. e presidentit, Vjosa Osmani, me atë të poetit shqiptar, Ndre Mjedës (Guxo).

Ndryshe, që të dy këto slogane janë vepra poetike të veprimtarëve shqiptarë respektiv.

“Don me na u ba fushata zgjedhore si ore letrare. LVV besoj qe vazhdon me Gramenon, (Ardhi dita.) Vjosa e ka nda mendjen me Mjedjen, (GUXO).  Na mbetet te shpresojme qe edhe LDK, PDK e AAK te na kenaqin me vargje poetike. Lista Serpska e ka te gatshme Simoniden e Rakiqit (iskopane oci- sytë e nxjerre.) Qejf o qejf. Parti te iluminuara te nje populli te lumtur”, ka shkruar profesori universitar në Facebook.

Ndryshe, Osmani, para pak çastesh, ndau një nga fragmentet e poezisë ‘Guxo’ në faqen zyrtare të saj, teksa ia bashkëngjiti edhe logon e partisë.