Dogana
Prizren: Dogana zbulon tekstil të kontrabanduar në vlerë prej 13 mijë eurosh
Njësitet Antikontrabandë të Doganës, kanë arritur të zënë mall të kontrabanduar në rajonin e Prizrenit.
Bëhet fjalë për 1 mijë e 160 artikuj tekstil (veshmbathje), të cilët e kapin vlerën e 13 mijë eurove.
“Këto mallra po ashtu shkelin të drejtën e pronësisë intelektuale duke qenë marka të falsifikuara. Të gjitha mallrat janë konfiskuar derisa ndaj personave përgjegjës është iniciuar procedura kundërvajtësve”, thuhet në njoftim.
Njësitet e Doganës së Kosovës po vazhdojnë përpjekjet e tyre për të zbuluar dhe ndaluar veprimtarinë e paligjshme të kontrabandës dhe për të mbrojtur interesat e ligjshme të vendit tonë.
VIDEO BONUS: Qeveria do të mbështesë dy mijë vende pune në katër komunat veriore
