AEL Larissa

Prishtina zyrtarizon miqësoren me ekipin grek në “Fadil Vokrri”, hyrja për tifozë falas

Prishtina e ka aranzhuar një ndeshje miqësore me ekipin nga Greqia, AEL Larissa, njofton faqja zyrtare e klubit.

Përballja kontrolluese e “bardhekaltërve” do të luhet më 1 dhjetor me fillim nga ora 13:00 në stadiumin “Fadil Vokrri”.

Klubi kryeqytet gjithashtu ka njoftuar se hyrja për tifozë në këtë duel do të jetë pa pagesë.

“FC Prishtina të enjten më 1 dhjetor, do ta zhvillojë një ndeshje miqësore ndaj ekipit nga Greqia, AEL Larissa. Ndeshja luhet në stadiumin “Fadil Vokrri” në Prishtinë nga ora 13:00. Hyrja për shikuesit do të jetë falas”, thuhet në njoftimin e plotë të FC Prishtinës.