në Berlin

Presidenca thotë se s’ka qenë e informuar “për takimin e fshehtë të një ekipi të kryeministrit”

Zyra e Presidentit të Kosovës, Hashim Thaçi ka konfirmuar se nuk kanë qenë të informuar për takimin siç e ka quajtur ajo “të fshehtë” të një ekipi të kryeministrit në Berlin.

Përmes një përgjigje zyrtare, Zyra e Informimit e Presidencës ka thënë se takime të tilla të paparalajmëruara, të fshehta dhe të pakoordinuara, nuk ndihmojnë në procesin e dialogut Kosovë – Serbi.

“Zyra e Presidentit nuk ka qenë e informuar për pjesëmarrjen e një ekipi të kryeministrit në takimin e fshehtë në Berlin dhe po ashtu nuk kemi marrë ende asnjë informacion zyrtar se çfarë është biseduar në këtë takim. Takime të tilla të paparalajmëruara, të fshehta dhe të pakoordinuara, nuk ndihmojnë në procesin e dialogut Kosovë – Serbi, aq më parë kur tashmë kemi Ekipin Negociator, i cili ka për detyrë negocimin e çfarëdo teme me Serbinë”, thuhet në përgjigjen e Presidencës.

Në përgjigje thuhet gjithashtu se, institucionet e Republikës së Kosovës e kanë për obligim kushtetues dhe ligjor që të jenë transparente para qytetarëve të Kosovës për një proces kaq të ndjeshëm dhe të rëndësishëm siç është dialogu Kosovë-Serbi./ksp/