Xhevdet Pozhari

Pozhari në luftë me Bashkësinë Islame: Dallaveraxhinjë, do t’na sillni edhe deve nga Arabia

Xhevdet Pozhari, analist politik – tash e një kohë është duke e akuzuar Bashkësinë Islame të Kosovës për “manipulime”.

E gjitha nisi, kur doli oferta për shkuarjen në haxh – mbi 5 mijë euro duhej të paguante një person për të udhëtuar në Arabinë Saudite.

E sot BIK-u ka njoftuar se është shtyrë transporti për grupin e dytë të besimtarëve – shkak i një defekti që pësoi aeroplani i cili po vinte në Prishtinë për t’i marrë besimtarët në destinacionin, Mekën.

“Kish pas dal Naim Tërnava dhe e arsyetojke çmimin e lartë për haxh. Thoshte se na jemi kujdesur që besimtarët të kenë kushtet ma të mira”, ka thënë Pozhari. “Aeroplani i kontraktuar me defekte teknike, i la besimtarët pa i çu në haxh”.

E sipas tij “harmai doli”, duke iu referuar BIK-ut.

Pozhari s’është ndalur me kaq. Më vonë e ka ironizuar një donacion të Arabisë Saudite për t’i dhuruar hurme Kosovës.

“Ishalla spo ju mbushet mendja edhe naj deve me na e sjellë”, ka ironizuar ai në Facebook.

Por në fund theksoi se “po i la pak anash”, siç i cilësoi ai “dallavergjitë e BIK-ut”, për t’u marrë me çështjen e drejtësisë.