Portali i këshilltarit të Isa Mustafës: Luksi i pushtetarit, Fatmir Limajt edhe këmbët ia lëmojnë (VIDEO)
Zëvendëskryeministri i Kosovës në largim, Fatmir Limaj, jashtë protokollit duket se bën jetë goxha luksoze. Kjo të paktën reflektohet në një video të cilën e ka xhiruar një sinjalizues, ku Fatmir Limaj shihet i rrethuar me miq dhe përderisa ai kuvendon, njëri nga shoqëruesit edhe këmbën ia lëmon.
Kështu shkruan portali Sinjali, pronë e Besnik Berishës, këshilltarit të kryetarit të LDK-së, Isa Mustafa.
“Ky luks i pushtetarit sigurisht se jetohet edhe nga një pjesë e madhe e atyre që sot votuan për shpërndarjen e Kuvendit të Kosovës, anipse rrallë kapen nga syri i qytetarit sepse pushimet e tyre i kalojë në vendet ku populli pa viza nuk kalon. Se a do të vazhdojë luksi i Fatmir Limajt dhe i pushtetarëve tjerë të shtetit tonë edhe ditëve në vijim, mbetet të shihet tek pas përfundimit të zgjedhjeve nacionale dhe krijimit të institucioneve të reja Republikës së Kosovës”, shkruan ky portal.