Pompeo me akuza të drejtpërdrejta ndaj Kinës: Jemi në njohuri për të gjitha, madje edhe laboratin e saktë nga e shpikët koronavirusin

Sekretari amerikan i Shtetit Mike Pompe, është sgprehur se ka shumë prova që thonë se koronavirusi vjen nga laboratori i virologjisë në Wuhan.

“Ka prova të shumta mbi faktin që koronavirusi vjen nga laboratori i virologjisë së Wuhan’t”.

Kështu deklaroi sekretari amerikan i Shtetit Mike Pompeo në një intervistë për Abc. Dhe shton dozën e akuzave se Kina bëri gjithçka mundej që ta mbante botën në errësirë lidhur me koronavirusin.

Pompeo nuk dëshiroi që të specifikonte nëse dalja e virusit ishte padashje apo me qëllim. Kjo është akuza e fundit e Uashingtonit në drejtim të Kinës.

Pikërisht për shkak të këtyre akuzave, SHBA i ndërpreu fondet OBSH’së, pasi e cilëson si bashkëpunëtore të Kinës.

Ndërkohë, një amerikan ka humbur jetën çdo 44 sekonda në muajin prill për shkak të koronavirusit. Shifrat e frikshme raportohen nga CNN, që bazohet tek të dhënat e raportuara nga universiteti Johns Hopkins.

Më shumë se 1,1 milionë persona janë infektuar me Covid-19 në Shtetet e Bashkuara, ndërsa bilanci i viktimave i tejkalon 66 000. Testet e kryera janë 6,8 milionë në një popullsi prej 330 milionë personash.

Shteti më i goditur mbetet Nju Jorku, që regjistron çerekun e të prekurve dhe viktimave.