Trafiku Urban
Policia nis hetimet për vdekjen e 72-vjeçarit në autobusin urban në Prishtinë
Një person ka vdekur në një autobus urban në Prishtinë, teksa Policia e Kosovës tashmë ka nisur hetimet lidhur me rastin.
Lajmin e ka konfirmuar zëdhënësja e policisë për rajonin e Prishtinës, Flora Ahmeti.
“Sot rreth orës 14:00, në stacionin policor Jugu në Prishtinë, është iniciuar një rast Hetim mbi vdekjen.Rasti ka ndodhë rreth orës 11:30, në rrugën Dëshmorët e Kombit në Prishtinë, saktësisht në autobus ku një person është alivanosur”, tha Ahmeti.
Bëhet e ditur se viktima mashkull, menjëherë është dërguar në QKUK, ku nga ekipi mjekësor është konstatuar vdekjen e tij.
Rasti po hetohet nga njësitet kompetente në koordinim me prokurorinë.