detaje

Policia flet për aksidentin në autostradën “Ibrahim Rugova”, një person ka kërkuar ndihmë mjekësore

Në orën 09:40 të mëngjesit të sotëm ka ndodhur një vetaksident trafiku në autostradën “Ibrahim Rugova”, konkretisht afër Duhlës. Nga ky aksident një person ka kërkuar ndihmë mjekësore.

Lajmin e ka konfirmuar zëdhënësi i Policisë së Kosovës, Daut Hoxha.

Ai tha se njësitet për menaxhim të autostradës janë duke u marrë me rastin.

“Autostradë, km 45, afër Duhles ka ndodhur vetaksident, një automjet i përfshirë, një person ka kërkuar trajtim mjekësor si pasojë e aksidentit. Njësitet për menaxhim dhe kontroll të autostradës po e trajtojnë rastin”, tha Hoxha për Express.

Policia e Kosovës vazhdimin apelon pjesëmarrësit në trafik që t’i respektojnë shenjat e trafikut dhe të mos vozisin shpejtë.