Policia arreston një 45-vjeçar në Fushë Kosovë, kapet duke u treguar armën të tjerëve
Një person është arrestuar sot rreth orës 16:30, në Fushë Kosovë pasi ishte parë në rrugë se po u ekspozonte një armë zjarri dy personave të tjerë me të cilët ishte i shoqëruar.
Në njoftimin e Policisë thuhet se kjo ngjarje është vërejtur nga një hetuese policore, e cila ishte jashtë detyrës zyrtare.
Ndaj personit të dyshuar është iniciuar rasti për armëmbajtje pa leje.
Njoftimi i plotë:
Sekuestrohet një armë, arrestohet i dyshuari
Sot rreth orës 16:30, në në Fushë Kosovë, është arrestuar një person i dyshuar.
Personi është arresuar, pasi që në rrugë po u ekspozonte një armë zjarri dy personave të tjerë me të cilët ishte i shoqëruar.
Kjo ngjarje është vërejtur nga një hetuese policore, e cila ishte jashtë detyrës zyrtare.
E njëjta pasi është prezantuar si zyrtare policore, ka kërkuar nga i dyshuari që të nisen drejt stacionit policor.
Personi i dyshuar,A.B, mashkull 45 vjeç, ka tentuar që gjatë rrugës të ikë, mirëpo zyrtarja ka reagur shpejtë, është vënë në ndjekje të tij dhe ka arritë që të arrestoj personin e dyshuar si dhe t’i sekuestroj armën e zjarrit.
Ndaj personit të dyshuar është iniciuar rasti për armëmbajtje pa leje. Pas përfundimit të veprimeve të nevojshme policore rasti do të procedohet në koordinim me prokurorin e shtetit.