Polici i Bashkisë e goditi me grushte gruan shtatzënë, policia e Lleshit e merr nën hetim (VIDEO)

Policia e kryeqytetit bën të ditur se është arrestuar një shtetas pasi ka kundërshtuar me dhunë punonjësit e policisë bashkiake. Ndërkohë mësohet se edhe një tjetër përson është proceduar në gjendje të lirë.

Sipas policisë “Ky shtetas dhe disa persona të tjerë, më datë 31.07.2019, gjatë vënies së disa kangjellave në trotuarin e rrugës “Dritan Hoxha”, kanë goditur me grushta njërin nga punonjësit e policisë bashkiake dhe i kanë penguar ata për kryerjen e detyrës”.

Ndërkohë që në pamjet e publikuar duket qartë që një punonjës i policisë bashkiake godet me grushte një grua shtatzënë. Policia procedon gruan shtatzëne të dhunuar nga policia e jo policin që e goditi.

Ja njoftimi i policisë:

Tiranë

Kundërshtuan me dhunë shërbimet e Policisë Bashkiake, vihet në pranga një shtetas dhe procedohet në gjendje të lirë një tjetër.

Specialistët për Hetimin e Krimeve në Komisariatin e Policisë Nr.6, bënë arrestimin në flagrancë për veprën penale “Kundërshtimi i punonjësit që kryen një detyrë shtetërore ose një shërbim publik”, të shtetasit:

M. A., 32 vjeç, banues në Tiranë.

Ky shtetas dhe disa persona të tjerë, më datë 31.07.2019, gjatë vënies së disa kangjellave në trotuarin e rrugës “Dritan Hoxha”, kanë goditur me grushta njërin nga punonjësit e policisë bashkiake dhe i kanë penguar ata për kryerjen e detyrës.

Gjithashtu u procedua në gjendje të lirë shtetasja E. H., 35 vjeç, banuese në Tiranë për veprën penale “Kundërshtimi i punonjësit që kryen një detyrë shtetërore ose shërbim një publik”.

Vijon puna për vënien para përgjegjësisë penale dhe për persona të tjerë të përfshirë në këtë ngjarje.

Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme.