LAJMI I FUNDIT

“Po negociohet futja e Listës Serbe në Qeverinë Kurti”, reagimet e para në Serbi pas takimit Sveçla-Gjuriq

Reagimet e para kanë ardhur nga Serbia pas publikimit të fotografive takimit mes anëtarit të Kryesisë së VV-së,  Xhelal Sveçla dhe drejtorit të të ashtuquajturës zyrë për Kosovën në Qeverinë e Serbisë, Marko Gjuriq.

Lideri djathtist opozitar, Boshko Obradoviq, përmes një postimi në Twitter ka thënë se Vuçiq po e negocion futjen e fshehtë të Listës Serbe në Qeverinë e Albin Kurtit.

Sipas Obradoviqit, Vuçiq dhe njerëzit e tij janë të gatshëm të bëjnë gjithçka për pushtet.

“A s’është ky Marko Gjuriq duke negociuar me njerëzit e Kurtit në Tiranë? Përderisa Vuçiqi është hero i mediave, ky njeri negocion futjen e Listës Serbe në një qeveri separatist në Prishtinë, dhe kush e di se çka tjetër. Ashtu siç ata e përkrahën Qeverinë Haradinaj. Ata bëjnë gjithçka për pushtet”, ka shkruajtur Obradoviq.

Pak minuta më parë ka reaguar edhe vetë Xhelal Sveçla. Ka thënë se organizatorët kanë vendosur për rradhitjen e mysafirëve e jo ai.

Teksa është arsyetuar duke thënë se takimi është organizuar nga ministria e Jashtme e Gjermanisë. /