I ashtuquajturi drejtor i një zyre të vetëquajtur për Kosovën në qeverinë serbe, Petar Petkoviq, i ka reaguar Presidentes së Kosovës, Vjosa Osmani, e cila tha se “ka pajtim të pjesshëm” me propozimin amerikan për zgjidhje rreth çështjes së dinarit, dhe se pritet që të ketë edhe pajtim të plotë “shumë shpejt”.

“Gënjeshtër”, e quajti Petkoviq, ndonëse Osmani foli për pajtueshmëri mes Kosovës dhe ShBA-së, pa e futur Serbinë në kurrëfarë ekuacioni.

“Nuk ka marrëveshje për dinarin”, ka shkruar Petkoviq në X.