Përparim Rama komenton Vitinë, Ismailin e Haradinajn: “Djem të mirë, por jo për këtë punë”
Përparim Rama, kandidat i LDK-së për kryetar të Prishtinës ka folur rreth kundërkandidatëve të tij.
Tre prej tyre, sipas Ramës kanë dy të përbashkëta, janë “djem të mirë” dhe “s’janë për këtë punë” (udhëheqjen e Prishtinës).
Rama është i bindur se do të zgjidhet kryetar i Prishtinës në raundin e parë të zgjedhjeve më 17 tetor.
“Unë s’kam kohë me u marrë me balotazh. Numrat na tregojnë që ne do të jemi fitues në këto zgjedhje”, tha ai në RTK.
Por si i sheh Rama kundërkandidatët, Arben Vitinë e VV-së, Uran Ismajlin e PDK-së e Daut Haradinajn e AAK-së.
“Djem të mirë por jo për këtë punë”, u përgjigj shkurt ai.
Rama deklaroi se nëse do të fitojë do të kthehet për të jetuar në Prishtinë bashkë me familjen.
“Po patjetër, gjithsesi” , tha tutje Rama
