Kukës

Përgjysmohet numri i popullësisë në Kukës, shkak ekonomia dhe emigracioni

Numri i banorëve në Kukës po bie vit pas viti për shkak të lindjeve të pakta.

Ekonomia dhe emigracioni janë shkaqet kryesore pse familjet kuksiane, hezitojnë të lindin shumë fëmijë.

Unë kam qenë 17 vetë në familje. Sot ka lindje shumë pak. Njerëzit nuk kanë gjendje ekonomike që të lindin fëmijë. Fëmijët që ti lindish duhen ruajtur.S’kanë gjendje ekonomike njerëzit, duhen kushte, shkollë e shumë gjëra.

Edhe në maternitetin e Kukësit dhe konsultoren e gruas të dhënat e bluzave të bardha flasin për rënie të numrit të lindjeve. Ata thonë se lindjet pas viteve 90, janë përgjysmuar, madje me trend rënës, por është rritur shumë edhe mosha e krijimit të familjes dhe e nënave që lindin fëmijë.

E vërtëta është se lindjet pas vitit ‘90 kanë pasur ulje në mënyrë graduale. N.q.se deri në vitin 90 ne kishim mesatarisht 1200 lindje në vit, tani në kushtet e maternitetit kemi më pak se gjysma. Rallë takojmë nëna me 4-5 fëmijë. Të ralla janë lindjet në moshat 20-25 vjeç krahasuar me vite më parë.

Ndër vite lindshmëria ka rënë. Mund të themi 50-60 lindje për qytetin. Dhe janë shumë faktorë. Një nga faktorët madhorë është lëviza e çifteve të reja dhe popullatës me moshë të re në perendim.Zhvendosjet demografike nga Kukësi në vendet e tjera të Shqipërisë. Plus ëshë faktorët social-ekonomik që nuk duhen nëvlerësuar.Para 20 vitesh çiftet e reja dhe lindshmëria ishte në moshën 22-23 vjeç, kurse sot 25- 30 vjeç dhe ky është një ndër faktorët që ndikon.

Faktorë tjetër për rënien e popullësisë është rënia e numrit të martesave brenda vendit. Në gjendjen civile të Kukësit, bëhet e ditur se si pasojë e emigracionit është rritur edhe numri i martesave me shtetas të huaj, por edhe numri i lindjeve jashtë vendit që regjistrohen në gjendjen civile të Kukësit, shkruan Shqiptarja.com.
Ka një rënie me martesat brenda përbrenda. Vjet 180 martesa, sivjet 170 e ca, por janë rrit martesat me shtetas të huaj.

Aktualisht Kukësi ka 60 mijë banorë, por pas 20 vjetësh parashikohet përgjysmimi i tij në rreth 31 mijë banorë.