Vasily Nebenzya

Përfaqësuesin e Rusisë në Këshill të Sigurimit e tmerron flamuri i Republikës së Kosovës

Përfaqësuesi rus në OKB është revoltuar pasi flamuri i Kosovës ishte i pranishëm gjatë fjalimit  të Meliza Haradinajt.

Reprezentuesi Permanent i Rusisë në OKB, Vasily Nebenzya, ka thënë se sot janë shkelur rregullat nga përfaqësuesja e Kosovës, e cila foli në takimin e Këshillit të Sigurisë duke pasur një flamur të Kosovës në prapavijë.

Diplomati rus tha se Këshilli ka rregulla për pjesëmarrje në këto takime për përfaqësues të Kosovës dhe ato duhet të respektohen.

Ai tha se Rusia do ta mendojë ftesën për Kosovën herën e ardhshme.