Pensionisti fluturon jashtë avionit gjuajtës pasi kap levën e lëshimit “për t’u rehatuar”

Aksidenti është zbuluar në një raport të fundit të aviacinit francez, në lidhje me regulloren që mediat vendase krahasonin me një “skenar komedie”.
Pasi 64-vjeçari i paidentifikuar ishte zënë pak në panik nga shpejtësia e gjuajtësit të famshëm francez, ai tërhoqi padashje levën e lëshimit pranë tij dhe fluturoi jashtë kabinës me shpejtësi të lartë, e madje humbi helmetën që nuk i ishte fiksuar si duhet, dhe ra më pas në një fushe pranë kufirit gjerman.

Ishte thjesht çështje fati që veprimi i pasagjerit nuk shkaktoi edhe lëshimin e vetë pilotit, që do të kishte sjellë përplasjen e avionit.
Pensionisti kishte punuar në kompaninë e mbrojtjes franceze dhe nuk kishte shfaqur vetë dëshirë të fluturonte, thotë raporti i byrosë së hetimit ushtarak.
Por megjithatë, kolegët e kompanisë organizuan fluturimin surprizë nga baza ajrore e Saint-Dizier, në veriperëndim të vendit.
“Dëshira për të ruajtur surprizën për në momentin e fundit, solli pasoja me shumë rrezik. Situata krijoi ndjesinë e stresit pasi pasagjeri nuk kishte njohuri të zhvillimit aeronautik dhe aq më pak të një avioni ushtarak sulmi”, thuhej në raportin e autoriteteve.

Piloti 35-vjeçar që drejtonte mjetin kishte më shumë se 2000 orë fluturimi në karrierë por në vendin e pasëm ai mbante zakonisht vetëm asistentin e fluturimit.
Ai thotë se dëgjoi një zhurmë të fortë kur pensionisti lëshoi jashtë veten e tij, duke lënë në avion maskën e palidhur të oksigjenit.

Normalisht sistemi i lëshimit të Rafele-Bi lëshon të dy pilotët me një komandë dhe piloti priste që dhe sedilja e tij të fluturonte nga një moment në tjetrin, por ai arriti të ulej me sukses dhe parashuta e pasagjerit funksionoi më së miri.
Ky i fundit ra në një fushë i shokuar, por vetëm me plagë të vogla.