Sot paradite ka pëlcitur tubi kryesor i furnizimit me ujë në fshatin Hajvali, që për pasojë ka lënë pa ujë të pijshëm banorët në katër lokalitete.

Siç njofton KRU “Prishtina”, ekipet e mirëmbajtjes së rrjetit të ujësjellësit menjëherë janë mobilizuar dhe janë në vendin e ngjarjes për të bërë përpjekje të shpejtë për sanim.

Pa ujë të pijshëm do mbesin një pjesë e fshatit Hajvali, Veterniku, Çagllavica dhe fshati Miradi.

Pa ujë do mbesin deri në sanimin e këtij defekti që ndodhi papritur.

Se sa do të zgjasë sanimi , varet nga natyra e dëmtimit e për këtë do njoftoheni me kohë nga ekipet tona teknike, njofton Ujësjellësi Regjional Prishtina.