PDK: Komuna e Shtimes nuk i furnizon me dru shkollat dhe QKMF-të
Partia Demokratike e Kosovës (PDK), në Komunën e Shtimes, përmes një reagimi për media ka kritikuar ashpër qeverisjen aktuale të kryetarit, Qemajl Aliut, për dyshimet e keqpërdorimet të tenderit furnizues me lëndë djegëse në institucionet publike.
PDK ka kritikuar ashpër kryetarin e Shtimës, Qemajl Aliun, dhe koalicionin LVV-LDK-AKR, për keqpërdorim dhe mos furnizim të shkollave dhe QKMF-të me dru.
“Qemajl Aliut dhe koalicionit LVV-LDK-AKR, pas një viti në krye të ekzekutivit, iu doli një skandal i madh siç është keqpërdorimi i qindra metrave dru, duke mos i furnizuar institucionet (shkollat dhe QKMF) ashtu siç parashihej në kontratë”, thuhet në reagim
Po ashtu, PDK ka kërkuar nga institucionet përgjegjëse t’i fillojnë hetimet për keqpërdorimet në Shtime.
“Ne e kemi ngritur këtë shqetësim si subjekt politik në Kuvendin e Komunës, e po ashtu me këtë rast u bëjmë thirrje organeve gjegjëse që të zhvillojnë hetime dhe keqpërdoruesit të sillen para drejtësisë”, thuhet tutje në reagim.
Reagimi i plotë:
Jemi duke i përcjellë me shqetësim ngjarjet e fundit që kanë të bëjnë me dyshimet për keqpërdorim të tenderit për furnizim me lëndë djegëse për institucionet publike të komunës së Shtimes .
Qemajl Aliut dhe koalicionit LVV-LDK-AKR, pas një viti në krye të ekzekutivit, iu doli një skandal i madh siç është keqpërdorimi i qindra metrave dru, duke mos i furnizuar institucionet (shkollat dhe QKMF) ashtu siç parashihej në kontratë.
Ne e kemi ngritur këtë shqetësim si subjekt politik në Kuvendin e Komunës, e po ashtu me këtë rast u bëjmë thirrje organeve gjegjëse që të zhvillojnë hetime dhe keqpërdoruesit të sillen para drejtësisë.