Kryetari i LDK-së

Pas raportimit ekskluziv të Ballkani.info, Abdixhiku tregon nëse Përparim Rama është kandidat për Prishtinën

Lideri i Lidhjes Demokratike të Kosovës, Lumir Abdixhiku ka hezituar të flasë lidhur me kandidaturën e arkitetit të njohur, Përparim Rama për kryetar të Prishtinës.

Ballkani.info sot ekskluzivisht raportoi arkitekti me famë botërore nga Londra, Përparim Rama, pritet të jetë kandidat i Lidhjes Demokratike të Kosovës (LDK) për kryetar të komunës së Prishtinës.

Por, lidhur me këtë, Abdixhiku hezitoi të flasë, duke thënë se nuk ka koment.

“S’kam koment, ju lus të prisni edhe pak kohë, deri t’i bëjmë publike kandidaturat”, thotë Abdixhiku në ATV.

Derisa u pyet prapë se a mund të jetë Rama kandidat i LDK-së, për kryetar të Prishtinës, Abdixhiku thotë se “S’kam koment”.