Lajmi i fundit
Pas intervistimit në zyrat e EULEX-i, lirohet Sami Lushtaku
Ish-komandanti i UÇK-së për Zonën Operative të Drenicës, Sami Lushtaku është liruar nga EULEX-i, pas gati një orë qëndrimi në zyret e tyre.
Nënkryetari i Skenderajt dhe i degës së PDK-së në këtë komunë, është ndaluar mbrëmjen e së premtes nga EULEX-i në Prishtinë.
Lushtaku ka qëndruar për rreth një orë në zyret e EULEX-it.
Ndërkohë, djali i tij, deputeti i Partisë Demokratike të Kosovës, Mërgim Lushtaku, para mediave ka deklaruar se “i është konfiskuar telefoni dhe nuk ka pasur urdhërarrest”.
Vlen të theksohet se të enjten, u bastis edhe shtëpia e ish-komandantit të UÇK-së, Sylejman Selimi.
Jozyrtarisht nga burime të afërta me zhvillimet, ka mësuar se Selimi dyshohet për pengim të drejtësisë.
Për të njëjtën arsye, kishte pasur disa bastisje edhe vitin e kaluar.
Kujtojmë së në fundin e vitit të kaluar, Specialja pati zhvilluar një seri bastisjesh ndaj ish-këshilltarëve të presidentit Hashim Thaçi, si Blerim Shala dhe Artan Behrami.
Mënyra e tillë e bastisjeve, pati ngjallë shumë reagime në opinionin publik.
Para pesë muajsh, OVL e UÇK-së pati zhvilluar edhe një protest te zyret e EULEX-it kundër bastisjeve të tilla.
LEXO EDHE:
LEXO EDHE:
