Zjarrfikësit
“Pagesat e rrezikshmërisë, e përmirësimin e kushteve”, Ahmeti i reagon Kurtit pasi shtroi iftar për zjarrfikësit
Tahir Ahmeti, njohës i çështjeve të emergjencave dhe njëherësh Drejtor Ekzekutiv i Qendrës Kërkimore për Politika të Sigurisë (SPRC), ka reaguar pasi kryeministrit i Kosovës, Albin Kurti shtroi iftar për zjarrfikësit e Kosovës.
Përmes një postimi në Facebook, Ahmeti ka thënë se Qeveria ka për detyrë që të përmirësojë kushtet e zjarrfikësve, duke përmendur pagesat e rrezikshmërisë, pagesat tjera që ju takojnë me ligj, furnizimin me mjete etj.
Postimi i plotë:
Iftari i shtruar nga kryeministri, për zjarrfikësit e Kosovës, duhet përgëzuar dhe përshëndetur, si shenjë respekti për punën humane që bëjnë ata. Gjithsesi që ky dikaster ka nevoja urgjente, që duhen zgjidhur, madje me urgjencë.
Pagesat e rrëzikshmërisë, pagesat e tjera që ju takojnë me ligj, (ndërrimet e natës, festat zyrtare, puna në vikende), përmirësimi i kushteve, furnizimi me mjete dhe pajise që i plotësojn standarted për të kryer punen e tyre si dhe zgjidha e statusit të tyre, janë vetëm disa nga ato që duhet të trajtohen dhe marrin epilog.
Është detyrim i Qeverisë që të përmirësojë kushtet e këtilla, në mënyrë që zjarfikësit të kryejnë punën e vet në shërbim të sigurisë së qytetarëve!
