Paditet Sali Berisha, ngjalli frikë për koronavirusin
Socialistët kanë deklaruar se do të depozitojnë një kallëzim penal nesër, në adresë të ish kryeministrit Sali Berisha, i cili sipas tyre ka përcjellë përmes rrjetit social dezinformacion dhe lajme që përhapin panik mes qytetarëve, në një kohë kur Shqipëria përballet me koronavirusin.
“Ne konstatojne me shqetesim disa veprime keqdashese te disa personave politikë që synojnë të perhapin panik, mosbesim tek stafet mjekesore dhe demoralizim.
Per kete qellim bazuar ne Nenin 267 te Kodit Penal ne Republiken e Shqiperise kemi vendosur te kallzojme penalisht shtetasin Sali Ram Berisha ish-deputet, për përhapjen e informatave apo njoftimeve të rreme, me imazhe të montuara apo komente me shkrim (përmes faqes së tij facebook), të cilat targetojnë opinionin publik duke nxitur me vetëdije një gjendje pasigurie dhe paniku tek njerëzit.
Gjithashtu i bëjme thirrje Partisë Demokratike të ndalojë menjëherë daljen në Tiranë dhe në bashki të tjera të vendit të përfaqësuesve të saj, të instruktuar për të përhapur panik.
Kallzimi i plote penal do te depozitohet neser ne mengjez ne Prokurorine e Tiranes”-thuhet në njoftimin e PS.
