Nënkryetar i Prishtinës

Pacolli tregon se sa paranojak u tregua Erdogani kur vizitoi Kosovën

Nënkryetar i Komunës së Prishtinës, Selim Pacolli, ka folur për periudhën sa ishte menaxher kryesor në hotelin e Behgjet Pacollit në Prishtinë.

Ai ka përmendur figura të ndryshme politike që kanë qëndruar në hotel – ndër ta dhe Bill dhe Hillary Clinton, Joe Biden, e Recep Tayyip Erdogan.

Por, Pacolli ka përmendur specifikisht presidentin turk, Erdogan.

Sipas tij, Erdogan, posa kishte arritur në hotel, kishte pasur kërkesa ndryshe nga diplomatët tjerë perëndimorë.

Tutje tregon se Erdogan kishte sjell me vete kuzhinierin e tij dhe se vetëm stafi i tij ishte lejuar të shërbente në dhomë.

“Presidenti turk erdhi me specifikat e tij të veçanta, deri të kuzhinieri i tij. Cdo gjë që është përgatitur në kuzhinën e hotelit, është testuar fillimisht është analizuar nga kuzhinieri që e kishte sjell me vete dhe pastaj, ai ushqim është shërbyer vetëm nga njerëzit e tij në dhomën ku ka qenë”, tha Pacolli në KojshiaShow.