Vjosa Osmani

Osmani publikon fotografi nga pritja e mbrëmshme në Ambasadën Amerikane

Presidentja Vjosa Osmani ka thënë se mbrëmë, në një atmosferë të jashtëzakonshme dhe mes miqve të shumtë nga ShBA-ja dhe Kosova, është festuar festa e Pavarësisë së ShBA-së.

Ajo ka thënë se atë që e ka bërë Amerika dhe populli i saj për lirinë e Kosovës është e jashtëzakonshme.

E para e vendit tha se më 4 korrik Kosova feston bashkë me popullin amerikan, derisa tha se në ëktë ditë i kujton të gjithë ata që kanë kontribuar në miqësinë e përjetshme Kosovë-ShBA.

“Mbrëmë, në një atmosferë të jashtëzakonshme, mes miqsh të shumtë nga Shtetet e Bashkuara të Amerikës e nga Kosova, festuam festën e pavarësisë së SHBA-ve. Atë që kanë bërë Shtetet e Bashkuara dhe populli amerikan për vendin tonë, për lirinë tonë, për të drejtën tonë për të ekzistuar dhe për çdo qytetar që e quan Kosovën shtëpi të vet, shkon përtej çdo partnetiteti që ka njohur ndonjëherë bota”.

“Më 4 Korrik, festojmë krahas popullit amerikan dhe kujtojmë vlerat e idealet mbi të cilat janë ndërtuar Shtetet e Bashkuara. Në këtë ditë, kujtojmë edhe të gjithë ata që nëpër dekada kanë dhënë kontribut të jashtëzakonshëm në ndërtimin e miqësisë sonë të përjetshme”, ka shkruar ajo në Facebook.

Presidentja Vjosa Osmani bashkë me bashkëshortin Prindonin dhe vajzat e saj ka marrë pjesë në pritjen e Ambasadës Amerikane në Prishtinë për 246 vjetorin e Pavarësisë së ShBA-së.