Presidentja e Kosovës
Osmani kujton masakrën ndaj familjeve Bogujevci e Duriqi: Liria ka kuptim kur drejtësia të vihet në vend
Presidentja e Kosovës, Vjosa Osmani, duke kujtuar masakrën ndaj familjeve Bogujevci e Duriqi të Podujevës, tha se strategjia e regjimit gjenocidal të Serbisë kundrejt shqiptarëve pa dallim moshe ishte shfarosja dhe spastrimi etnik.
“25-vjet më parë, forcat kriminale vranë në mënyrë mizore 14 anëtarë të familjeve Bogujevci e Duriqi, në mesin e të cilëve 7-fëmijë të moshës 2 deri 15 vjeç dhe 7 gra. Saranda, Fatosi, Jehona, Liria dhe Genc Bogujevci janë dëshmitarë të aktit makabër, ndaj këto dëshmi janë në funksion të kujtesës dhe të sjelljes se autorëve para drejtësisë. Liria dhe paqja kanë kuptim vetëm kur drejtësia të vihet në vend! Qoftë i përhershëm kujtimi për martirët e familjeve Bogujevci dhe Duriqi!”, ka shkruar Osmani.
BONUS VIDEO| Kica-Xhelili i nervozon keq deputetët e VV-së: Provojnë ta ndalin me zhurmë
