Lajmi i fundit
Opozita dy orë protestë, tymuese dhe molotov drejt Kryeministrisë
Opozita ka protestuar për dy orë para kryeministrisë. Protesta nisi paqësore ndërsa protestuesit marshuan nga selia e PD drejt bulevardit “Dëshmorët e Kombit”.
Protesta u drejtua nga Sekretari i Përgjithshëm i Rithemelimit, Flamur Noka dhe nga kreu i grupit parlamentar të PD-së, Gazment Bardhi në mungesë të kreut të Rithemelimit, Sali Berisha i cili ndodhet në arrest shtëpie, masë e marrë nga SPAK ndërsa ai hetohet për korrupsion në privatizimin e ish-kompleksit “Partizani”.
Një fjalim online përmes një podiumi të krijuar në shtëpi mbajti dhe Sali Berisha.
Sapo ish-kryeministri Sali Berisha përfundoi fjalën e tij përmes videomesazhit Protestuesit hodhën tymuese dhe molotov në drejtim të ndërtesës.
Sende të ndryshme u hodhën edhe drejt trupave të policisë, ndërsa mbanin edhe flamuj kombëtarë dhe të BE-së.