Kryetari i Partisë Demokratike Sali Berisha mbetet nën arrest shtëpiak sepse sot Apeli i Posaçëm rrëzoi kërkesën për ta lënë të lirë që të ushtrojë aktivitetin politik në kuadër të fushatës së zgjedhjeve parlamentare të majit.
Gjykata ka rrëzuar kërkesën e kreut të PD-së, Sali Berisha dhe dhëndrit të tij, pedagogut Jamarbër Malltezi për të rifilluar jetën e tyre jashtë izolimit shtëpiak.
Gjyqtare e çështjes ishte përsëri Ilirjana Olldashi. Ajo është kritikiar disa herë nga Berisha.
Ekspertët thonë se refuzimi i kërkesës për heqjen e arrestit shtëpiak është i diskutueshëm tani që dosja ka përfunduar dhe ka kaluar për shqyrtim gjyqësor.







