Novi Sadi mbrëmë u godit nga një stuhi e fuqishme, të paktën një i vdekur
Një burrë ka humbur jetën ndërsa dy persona kanë pësuar lëndime në Novi Sad shkaku i stuhisë së fuqishme.
Dëmet që ka pësuar qyteti serb janë të shumta ndërsa tashmë po qarkullojnë imazhe të qytetit gjatë dhe pas stuhisë.
Disa pjesë të qytetit dhe rrethinat nuk kanë energji elektrike, raporton danas.
Stuhia ka rrëzuar një vinç në kantierin në Detelinara, në cep të rrugës “Veselin Maslesha” dhe “Kopernikova”, i cili dëmtoi tre ndërtesa.
Erërat e forta shkatërruan edhe një pjesë të çatisë së qendrës së panaireve të Novi Sadit.
Stuhia që goditi qytetin mbrëmë ishte shumë më e fuqishme se ajo e fundit e para disa ditëve ndërsa dëmet janë të mëdha, sipas “City Greenery”.
Puna bëhet sipas prioriteteve – së pari pastrohen rrugët e komunikacionit, ndërsa numri i kërkesave është i madh dhe ndryshon nga minuti në minutë, theksuan ata.
