Kryeministri i Kosovës, Albin Kurti, e ka vlerësuar si lajm të mirë njohjen e patentë shoferëve nga Kosova në shtetin e Gjermanisë.

Kurti, me anë të një postimi në llogarinë zyrtare në profilin e tij në ‘Twitter, ka thënë se me këtë vendim, Gjermania ka shfaqur përkrahje të plotë në autoritetet kosovare.

“Lajm i mrekullueshëm për qytetarët tanë në Gjermani! Sot, Këshilli Federal i Gjermanisë votoi pro njohjes së patentë shoferëve kosovarë, duke shfaqur përkrahje të plotë në autoritetet kompetente kosovare. Herzlichen Dank [Faleminderit shumë!]”, ka shkruar Kurti.

Gjermania ka vendosur sot që t’i njohë patentë-shoferët nga Kosova. Ky propozim ka marrë miratimin e të 16 landeve gjermane.

Lajmin e ka bërë të ditur Ambasadori i Kosovës në Gjermani, Faruk Ajeti, i cili tha se Kosovës s’i mungoi asnjë votë.

Good news for our citizens in 🇩🇪! Today the German Federal Council voted in favor of the recognition of Kosovar drivers licenses, showing its full trust in the competent 🇽🇰 authority. Herzlichen Dank!

— Albin Kurti (@albinkurti) February 11, 2022