Një persona ka mbetur i lënduar si pasojë e një vetaksidenti që ka ndodhur sonte në Fushë Kosovë, ku një veturë ka goditur disa ndarëse metalike të rrugës.
Në pamjet e siguruara shihet se vetura ka përfunduar me rrotat përpjetë. Policia ka njoftuar se i njëjti është dërguar për tretman mjekësor.
“Rreth orës 20:00, kemi pranuar informatën për një aksident trafiku në rrugën Nëna Terezë, në Fushë Kosovë. Si pasojë e aksidentit lëndime trupore ka pësuar një person. I njëjti është dërguar për tretman mjekësor. Me rastin po merret njësiti i trafikut” ka thënë për Express, zëdhënësja e Policisë së Kosovës për Rajonin e Prishtinës, Flora Ahmeti







