Pas dorëheqjes së Haradinajt dhe paralajmërimeve për zgjedhje të reja, partitë politike veçse kanë filluar ‘fushatat’ e tyre zgjedhore.
Ani pse një pjesë e këtyre partive kishin mbështetur kërkesat e SHBA-ve dhe shteteve të QUINT-it për heqjen e taksës muaj më parë, tash këto parti janë duke e përkrahur këtë vendim.
Në anën tjetër, deputeti nga radhët e AAK-së, Muharrem Nitaj, përmes një statusi në rrjetin social Facebook, ka ironizuar me partitë që tashmë po e mbështesin vendimin e taksës ndaj mallrave serbe.
Ai ka thënë se po e pyesin nëse është kalkulim politik qëndrimi i partive politike kundër heqjes së taksës.
“Nuk mund të flas për kalkulimet e të tjerëve. E konsideroj lajm të mirë ripozicionimin e partive politike në raport me taksën. Kjo është një ogur i mirë dhe më flet bukur shumë se qëndrimi i pakompromis i kryeministrit Haradinaj, as për ta konsideruar heqjen e taksës, paska qenë i drejtë”, ka shkruar Nitaj, përcjell Ballkani.info.
Tutje, ai ka thënë se është për keqardhje që kryeministri Haradinaj nuk ishte mbështetur në kohën kur e kishin mbështetur me shpatulla për muri me kërkesën për heqjen e taksës.
Krejt në fund, Nitaj e ka përmendur edhe kryeministrin e Shqipërisë, Edi Ramën, duke thënë se ka mbetur pa u deklaruar rreth taksës, pasi që i kishte dhënë ‘zjarr’ për ta pezulluar këtë vendim. /Ballkani.info
Postimi i plotë:







