Klinë
Nisin hetimet për personin nga Klina që dyshohet se kreu marrëdhënie seksuale me familjaren e tij
Prokuroria Themelore e Pejës ka nisur hetimet mbi rastin që u raportua sot nga policia, ku një person në Klinë, dyshohet se ka kryer marrëdhënie seksuale me një familjare të tij.
Zëdhënësi i Prokurorisë Themelore në Pejë, Shkodran Nikçi, tha se i dyshuari është ndaluar për 48 orë.
“Policia ka marrë autorizimet e nevojshme për veprime hetimore. Një person për momentin është ndaluar për 48 orë”, tha Nikçi, duke shtuar se për momentin nuk mund të jap informata tjera.
Ndryshe, policia sot derisa konfirmoi rastin, njoftoi se viktima tashmë është dërguar në strehimore.
“Është arrestuar i dyshuari mashkull ashkali, pasi dyshohet se kishte kryer veprën e lartcekur ndaj viktimës femër ashkali, me vendim të prokurorit i dyshuari është dërguar në mbajtje, ndërsa viktima është dërguar në strehimore”, thuhet në raport.
