Shqipëri
Nënë e bijë gjenden të vdekura në banesë në Korçë
Dy gra, një 74-vjeçare dhe një 54-vjeçare, janë gjetur të vdekura në banesën e tyre në Korçë të enjten, kanë raportuar mediat në Shqipëri. Trupat e tyre u gjetën pas ndërhyrjes së zjarrfikësve, pasi të dyja gratë kishin humbur kontaktet me familjarët që nga e diela.
Sipas raportimeve, ato janë nënë e bijë. Vajza dyshohet se ka humbur jetën si pasojë e sulmit në zemër, ndërsa nëna që ishte e paralizuar ka vdekur pas së bijës.
Është raportuar se zjarrfikësit kanë ndërhyrë pas kërkesës së familjarëve që jetonin jashtë shtetit.
Deri tash s’është raportuar për dyshime për ngjarje kriminale.
